Users Online Now: 1,424 (Who's On?) | Visitors Today: 348,248 | |
Pageviews Today: 547,150 | Threads Today: 205 | Posts Today: 3,337 |
06:06 AM |
Page 1 Previous Page Next Page | |
Ballad on the American War | |
RB 04/15/2005 03:07 PM Report Abusive Post Report Copyright Violation | When Guilford good our pilot stood AnŽ did our hellim thraw, man, Ae night, at tea, began a plea, Within America, man: Then up they gat the maskin-pat, And in the sea did jaw, man; AnŽ did nae less, in full congress, Than quite refuse our law, man. Then throŽ the lakes Montgomery takes, I wat he was na slaw, man; Down LowrieŽs Burn he took a turn, And Carleton did caŽ, man: But yet, whatreck, he, at Quebec, Montgomery-like did faŽ, man, WiŽ sword in hand, before his band, Amang his enŽmies aŽ, man. Poor Tammy Gage within a cage Was kept at Boston-haŽ, man; Till Willie Howe took oŽer the knowe For Philadelphia, man; WiŽ sword anŽ gun he thought a sin Guid Christian bluid to draw, man; But at New York, wiŽ knife anŽ fork, Sir-Loin he hacked smaŽ, man. Burgoyne gaed up, like spur anŽ whip, Till Fraser brave did faŽ, man; Then lost his way, ae misty day, In Saratoga shaw, man. Cornwallis fought as langŽs he dought, AnŽ did the Buckskins claw, man; But ClintonŽs glaive frae rust to save, He hung it to the waŽ, man. Then Montague, anŽ Guilford too, Began to fear, a faŽ, man; And Sackville dour, wha stood the stour, The German chief to thraw, man: For Paddy Burke, like ony Turk, Nae mercy had at aŽ, man; AnŽ Charlie Fox threw by the box, AnŽ lowsŽd his tinkler jaw, man. Then Rockingham took up the game, Till death did on him caŽ, man; When Shelburne meek held up his cheek, Conform to gospel law, man: Saint StephenŽs boys, wiŽ jarring noise, They did his measures thraw, man; For North anŽ Fox united stocks, AnŽ bore him to the waŽ, man. Then clubs anŽ hearts were CharlieŽs cartes, He swept the stakes awaŽ, man, Till the diamondŽs ace, of Indian race, Led him a sair faux pas, man: The Saxon lads, wiŽ loud placads, On ChathamŽs boy did caŽ, man; AnŽ Scotland drew her pipe anŽ blew, "Up, Willie, waur them aŽ, man!" Behind the throne then GranvilleŽs gone, A secret word or twa, man; While slee Dundas arousŽd the class Be-north the Roman waŽ, man: AnŽ ChathamŽs wraith, in heavŽnly graith, (Inspired bardies saw, man), WiŽ kindling eyes, cryŽd, "Willie, rise! Would I hae fearŽd them aŽ, man?" But, word anŽ blow, North, Fox, and Co. GowffŽd Willie like a baŽ, man; Till Suthron raise, anŽ coost their claise Behind him in a raw, man: AnŽ Caledon threw by the drone, AnŽ did her whittle draw, man; AnŽ swoor fuŽ rude, throŽ dirt anŽ bluid, To mak it guid in law, man. |
Page 1 Previous Page Next Page |